Պետրո՛ս, ականջդ կանչի

Կրթվելը ի՞նչ է: Իմ պատասխանը` ՊԱՐՏԱԴԻՐ: Իջեցրե՞ք «նորաձև» նշաձողը: Դեռ Սովետից անգրագիտությունը իբր հաղթահարած երկրում կրթվելը [այո-այո] պարտադիր է: 

Ինձ արդեն հուսահատության է հասցրել հայկական ծառայությունների մակարդակը: Բանկերի ու խոշոր հեռահաղորդակցային ընկերությւոնների հալալ կեսի զանգերի կենտրոնում (Call center) անգրագիտությունը համատարած է: Դա այն օղակն է, որը պետք է լինի ամենապատրաստվածը, Ընկերության Առաջին գիծը, որի հետ շփումից է հաճախորդը կայացնելու ընտրության իր որոշումը: Կամ՝ ծառայությունից օգտվել շարունակելու:

Մերոնք մեծամասամբ չեն տիրապետում ոչ միայն նյութին, այլև ոլորտի բազային գիտելիքներին: Տալիս են մոլորեցնող, ոչ հավաստի տեղեկություններ: Ամենավերջին օրինակս: Մի հիան, հայտնի բանկից քարտ եմ պատվիրում: Դեռ պատրաստ չէ, բայց հավելվածում արտացոլվում է, թույլ է տալիս կցել Google PAY-ին և Apple PAY-ին: Զանգերի կենտրոնից ճշտում եմ` այս փուլում կարո՞ղ եմ օնլայն գործարք անել:
- Այո:
10,000 գումար եմ փոխանցում քարտին, որը հաշվեկշռում երևում է: Մտնում եմ խանութ, կատարում 750դրամի գնում, հեռախոսով վճարում և Oops!!! - Անբավարար միջոցներ...

Դե, նոր բանկ էլ ընտրել էի՝ նախորդների անգրագիտությունից փախչելով: Լավ, էս ջահել երեխեքին աշխատանքի ընդունելիս չե՞ն սովորեցնում տարրական բաները: Իսկ այդ աշխատանքի ընդունողին ինչպե՞ս են աշխատանքի ընդունել: Որ միայն ճարպկորեն սովորեցնի արտասանել, թե «հարգելի հաճախորդ. համակարգում խնդիր չունե՞նք»: Իրո՞ք: 

Մի խոսքով, հոգնել եմ դեռ հում, բայց արդեն հոգնած soft-երից, որոնք Ընկերությունները մեծ գովազդով տարածում են, հետո տարիներով փորձում խելքի բերել: Ցավալին, որ չնչին շուկա ենք, անհրապույր, ու սպառողներիս ընտրությունն էլ է չնչին:

[ Պտտվիր, պտտվիր, կարուսել ] 

ՀԳ. Ավտոյի սաբբուֆերով ինչ-որ ռաբիզ կամ metalcore քոքած ջահելությանը ՉԴԻՊՉԵԼ: Նրանց վիդեո դրայվները երբևէ կհանգրվանեն Պատմության Յութուբներում: Մինչ այդ՝ նրանց շնորհիվ գուցե պետության բյուջեն էլ լցվի (եթե սպասվող օրենքը ընդունեն):

ՀԳ 2. Իսկ վերնագրի Պետրոսը, եթե երկմտում եք՝ Մուրացանինն է: Կամսարյանը: