Արցախի գինը՝ Պուտին-Սարգսյան-Բրյուսել փակագծերում
«Եվրամիության անդամակցության օրենքի քննարկումը Ռուսաստանում համարում են ԵԱՏՄ-ից Հայաստանի դուրս գալու սկիզբ»:
 |
| ՏԱՍՍ, ՌԴ փոխվարչապետ Ալ. Օվերչուկ |
Բայց սա գրպանին վերաբերող հարց է: Ավելի կարևորը գլխի, երկրի անվտանգությունն է: Մոտենում եմ ասածս կարևոր նրբերանգին: ՀԱՊԿ-ի անդամ Ռուսաստանը, Ղազախստանը և Բելառուսը 2010թ. ստեղծեցին Մաքսային Միությունը, որը ԵԱՏՄ-ի նախատիպն էր: Դրանից 2 տարի անց, 2012-ին, Հայաստանը արդեն Եվրոպայի շեմին էր. Բրյուսելում Ժոզե Մանուել Բառոզուն և Սերժ Սարգսյանը ազդարարում էին «Խոր և համապարփակ ազատ առևտրի գոտու» բանակցության մեկնարկը: Այդ շրջանում Ադրբեջանը արդեն սկսել էր սպառազինության լայնամասշտաբ գնումը, որի մասին Հայաստանի նախագահը խոսում էր Բրյուսելում:
«Ադրբեջանի ղեկավարությունը շարունակում է հայերի նկատմամբ ատելության սերմանումը: Ադրբեջանի նախագահը ընդամենը մի քանի օր առաջ հայտարարեց, որ իրենց թիվ մեկ թշնամին աշխարհասփյուռ հայությունն է: Բանակցությունները անհամատեղելի են պատերազմի քարոզչության, ազգատյացության և աննախադեպ չափերի սպառազինության ձեռքբերման հետ»:
Անցնում է ժամանակ, տեղի են ունենում շարքային մարդու համար անտեսանելի պրոցեսներ, և մեր գլխին մի սյուրպրիզ է ընկնում. Բրյուսելից 1,5 տարի անց, Մոսկվայում Սերժ Սարգսյանը հայտնում է Մաքսային միությանը միանալու մասին: 2013թ. սեպտեմբերի 13: Ես չգիտեմ, ու երևի քչերը գիտեն՝ Սերժ Սարգսյանը սա ինչ գործոնի ազդեցությամբ է որոշել: Այն ժամանակ մեր իշխանությունից հնչում էր բացատրություն, որ Հայաստանը 2 կառույցի հետ էլ բանակցել է, և ի վերջո, ընտրել է ռուսականը: Մարդու համար, որի աչքի առաջ Բառոզուն ու Սարգսյանը հեռահար, ոգևորիչ կանխատեսումներ էին անում, ուղղակի անհամոզիչ է Մաքսային միությունն ընտրելու բացատրությունը:
Սերժ Սարգսյան. «Շնորհակալ եմ: Եվրոպական Միության հետ Հայաստանի հարաբերությունները խարսխված են միասնական արժեհամակարգի վրա, ինչը պայմանավորված է պատմական, մշակութային, կրոնական և լեզվական ընդհանրություններով: Մենք վճռական ենք Հայաստանում խորքային և և համակողմանի բարեփոխումները շարունակելու հարցում, և մեր երկրում իրականացվող բարեփոխումները դիտարկում ենք նաև որպես Եվրոպական Միության հետ ծավալվող համագործակցության կարևոր մաս»:
Իմ համոզմամբ, Եվրոպայից հետքայլը բացահայտվում է Պուտինի հետ ասուլիսում Հայաստանի նախագահի մի մտքով.
 |
| Մոսկվա, 2013թ. սեպտեմբերի 13 |
ԱՎԵԼԻ ՊԱՐԶ
Եվ 2010 թ-ին Մաքսային միության ստեղծման պահին, և՛ 2012-ին՝ Եվրամիության հետ բանակցելիս Հայաստանը նույն Ռազմական անվտանգության համակարգում էր: Ամենայն հավանականությամբ, Սերժ Սարգսյանին Մոսկվայում ակնարկել են, որ դեպի Եվրամիություն շարժվելու գինը Արցախում նոր պատերազմն է: Համենայն դեպս, Բրյուսելյան առաջընթացից հետո մոսկովյան ընտրությունը՝ այլ ողջամիտ բացատրություն չունի:
Comments
Post a Comment